Kana kana aćhilem bi ćhereso, katar te đav, kaste te irima?

Kava si jekh katar but đungalo gndipe savo si tuj tradol pala mande. Trubuv te priznajiv kaj pacav kaj kaar scenario si vi mandje but sajutno. A najsem sigurno da li ma ka šajivasa te snadjiman, da li maka dzivdisarav jekh ćhon pe ulice? Ni đanav so te ćerav, me sem došalo goljese!muklem te pacav kaj najsem sposobno me zivotese. Uvjek beslem manusenca save sesa pesimistora, bicavane thaj sumničavo. Kofar manušenca bariljem. Sema sa arakhadino sar tea vav dijamanti. Sar tea vav ani đamai zvona. Dur sema katar o normalno dzivdipe.

Si sebepora goljese, kola save si razumno vi kola save ninaj. Agja si uništime mo puranipe. Ćerdilem viktima but arakhadimasi savi pretisarda kaj ka phagol koja zvona ani savi semasa zarobime. Zapljusnisarda man o pharipe ko realnost. Dindem maškar đuvde manuša iznenada, ni đanglem sar te ponašiman. Agaćik berša sema sar plutka averenđe. Autoriteto me roditeljengo najsa ko pućipe nijekh momenti. Akana najsem sigurno kaj mangav kova so servirin mange, sar te žalin man – kova otrovi hav trin droma ano đive. Kana nakhol kova undjaren man ani soba kaj dav man godji pe sa kola munre odluke kaj andem ane berša kaj nakhle. Munri soba, munri samica. Sivo, kali, šudri e phandlesa ane late. Osudime pi robija đi kaj sem đuvdo, phage ilesa, numerisarav e đivesa thaj phanav mo muj. I dar phagol man thaj paraliziril sarsavi raći. Mo paćajpe pe mande hasavol vi kana bijandol nevo đive man najman sose te paćav mamaj. Mi agonija thaj mućipe si nastavime.

Andem decizia kaj kana ka zuravdijav me ka bešav me roditeljenca thaj ka ćerav lafi lenca sa putardipe. Ka rodav te len man kan te ašunen man.

Mama, tata siman disavo nevo te mothav tumenđe.

Đanav kaj ka avol tumenđe but phare te ašunen sa kova so ka vaćarav tumenđe. Paćan man, manđe sa but maj phare te vaćarav tumenđe kava so me mangav te vaćarav. Goles eka moliv man tumenđe te ašunen man thaj ma te ćhinaven man a napal gova pućen man ako situmen pućipa me ka dav tumen dževapo pe sa. Sar kaj đanen, mo životi ke nakhle čhona irisajlo pe aver rig but, tumen kova ni ašuđarden mandar, thaj ni manglen. Kova vaćarden mange thaj đanav.

Katar o momenti kaj phendem mange kaj sem buljaši đi ađive o bipaćajpe pe mande barilo. Ka phenav tumenđe kaj me kova ni ašuđardem tumendar kaj loće te primin kova nevipe mandar, ali iznenadisarda man o fakti kaj kaj sa kova tumenđe sa baro iznenađenje thaj ško. Pa tumen pindđaren man sar nijekh aver thaj trubujen te džanen kaj dissave buća naštin te poklopinpe sar tumen mangen. Šajisarden thaj džanglen katar o ceknipe pe safar čhavoro me ka barijav. Me paćav kaj tumen sr dad thaj dej ćerden but bući te barijav so majlaćhe me. Đanav kaj ni nakhlem laćhe ko životo thaj kaj vi tumen mancar patisarden thaj sena dukhavde, ali paćajem kaj sa kola berša ka zuraven o kamlipe thaj I dikhipe jekh avereso. Kaj ka avol tumen ano zivoto angle maj but snezibiliteto, ali hohadiljem.

Munro nevipe katar mi seksualno rijentacija sa ašudjardi bare bipaćajmako, napal gova počmisarde te ucenin man… Sa kova nakhadem sar džanglem. Phandlem mo muj thaj ni vaćardem khanđi, an mange ućardem kova ćerćipe sarsavo đive. Najsa kova hić as cara lokhe. Baro ritisako sasa kova, ali man siman jekh laćhi osobina sava buttered manušen ađive ninaj – sabri. Kamav tume thaj paćovav, dinden man but an mo životo, thaj tumenđe but sastipe golese, li trubun te đanen kaj naj pe tumende te anen decizie pe mo alav. Sar majangle naj tumen čačipe pe kova, o dujto paćav kaj ćerden dosta šteta sode kontrolisarden mo baro kotor e dživdipasko. Me sem kova savo anol decizie  pese, pa vi kana si I bući ko kamlipe.

Ni đanav sar ćerden ani gođi, sar šaj funkcirisarol jekh zornalikano brako maškar mande tha jekh romni. Iskreno, paćav kaj situmen cara gođi te dikhen so ma ka ćeren kol romnjaće, sode šatnja maka avol la te živil e manušesa savo ni kamol la thaj naj kamli vi naštil te avol dej.

A da li ćerden ani gođi sark ova man maka pogodil? Majangle maka mothon manđe sode ni kamen man thaj ni mangen man, vi sode ni paćaven man. Kava maka šajil but đungale tea vol pe mo sastipe psihički, šajisardem tea vav ani phari depresija, savi maka phagol man thaj unđarol man đi ko mudaripe korkori man. Misliv kaj nimangen kova terete te unđaren an tumaro ilo. Thaj ni paćav kaj ni kamen man agaćik. Đanav kaj mangen tea vol tumen nipora thaj te nastavin I loza, ali kova šajipe si akana phanglo. Možda ano vakti kaj avol, kana arakhav nesavo manuš savesa mangav te inđarav mo životo thaj kaj kamav le, možda ka usvojim jekh čhavoro zakonski thaj ka dav le mo prezime.

Paćav kaj pala o baro vakti savo nakhlo, kana mothoden mangipe te ašunen man akana šajin te dikhen maj laćhe pe sah. Akana šajin te laćharen tumare greške  thaj te bistaren tumare biaćhe stavore.

Paćav kaj ka šaji te bistara jekh jekheste sa kola greške thaj te irisara nevi patrin.

Gej manuš savo mangla te aćhol anonimno

Akava artiklo ćerdilo ko rami e projekteso PRIME (Profesionalno, odgovoRno thaj Inkluzivno Mediumora) savo si finansijsko dumo del e Evropaći unija thaj kotor kofinansirisardo si katar o Ministeriumo putarde upravako, digitalno amalipe thaj medie Crna Gorako. Gindipe dende an kava artiklo isključivo si odgovornost PRIME redakcijako thaj ni mothon nužno gindipe e donatorengo.